14. RING SEMERU IDA MAGENAH
PASUPATI PARABE JATI
SAMPUN MADWE PUTRA SAPTA
SAMI MALUNGGUH RING BALI
NGAWIT RAWUH WANTAH TRI
JAGA BACAK MANGDA WERUH
HYANG AGNI JAYA RI LEMPUYANG
PUTRANJAYA RING TOH;LANGKIR
DEWI DANU
WENTEN RING BATUR PARWATA
15 WARSA ISAKA SANGA
DLAPAN TUJUH YAN MASEHI
IDA RAUH SARENG TIGA
MANYUJUR RING JAGAT BALI
NANGING TAN WENTEN MAKTININ
DWANING JAGAT KANTUN SUWUNG
RARIS MALIH MWALI KE JAWA
RING HYANG PASUPATI NANGKIL
SAGET RAWUH
KICEN WARANG NE UTAMA
PUPUH GINADA
16.UDUH CENING OKAN YAYAH
PATUT CENING MELAJAHIN
MANGDA SIDA NGARTDI PUTRA
APANG ADA NE MANYUNGSUNG
KEME JANI MALIPETAN
MOGI PANGGIH
DEGDEG LANDUH IKANG RAT
17 SAMI YUKTI MASNGIRINGANG
TITAH IDA HYANG PASUPATI
KESARENGIN SAMETON PATPAT
DADOSNYANE SARENG PITU
MANGKIN BACAK GNAH IDA
MARING BALI
SAMI SAMPUN PADA BAGIA
18.HYANG AGNI JAYA LEMPUYANG
PUTRANJAYA RING TOHLANGKIR
DEWI DANU BATUR PARWATA
MANIK GALANG PEJENG MLUNGGUH
MANIK GUMAWANG BERATAN
MALIH KALIH
MANIK TUMUWUH ,RING TABANAN
19, HYANG MANIK TUGU ANDAKASA
SAMPUN JANGKEP PITU MANGKIN
PADA MLUNGGUH RING STANA
SAHA LANDUH , AKEH SUNU
LANANG WADON PUTRAN IDA
KANTOS MANGKIN
NGLIMBAK NGEBEKIN JAGAT.
20.HYANG AGNI JAYA MAPUTRA
WITA DHARMA KEPARABIN
PUTRAN JAYA WENTEN TIGA
BTARA GANA, DALEM DUKUT
BETARI MANIK GENI WADON
MAKA TRI
PADA PADA MAWISESA
PUPUH GINANTI
21.MALIH DEWI DANU UWUS
MADWE PUTRA LANANG SIKI
MAYA DENAWA KEBAWOSANG
MAHA AGUNG SAKTI YUKTI
SIDA MENGASORANG SAMIAN
KANTOS BINGUNG BETYARA SAMI
22 HYANG WITA DHARMA KATUR
MADWE PUTRA LANANG ADIRI
MAPARAB HYANG BAJRASATWA
IDA MASIH MAPUTRA SIKI
HYANG TINUHUN PARAB IDA
MADWE PUTRA PANCA LAKI
23MPU SEMERU PINIH DUUR
MPU AGNIJAYA KANG ARI
MPU GANA KAPING TIGA
MPU KUTURAN MAHA SAKTI
MPU BRADAH KAPING UNTAT
NANGING IDA WENTEN RING JAWI.
24.SESAMPUNE PADA DUUR
SAMI WENTEN MARING JAWI
RING PASUPATI NUNAS AJAH
RARIS SAMI TEDUN KE BALI
MANGKIN BACAK TUNGGAL TUN GGAL
NGAWIT RAUH KEJAGAT BALI
25 HYANG KUTURAN SIDUMUN RAUH
PADANG BAI IDA NGUNGSI
DAWEG BUDA KLIWON PAHANG
WARSA SANGA SANGA SIKI
KAPUKAPU MAKA SRANA
KANTOS MANGKIN KEBAKTININ
PUPUH S EMARANDANA CILINAYA
26.AWINANNYA RAUH KE BALI
TUNGKAS SARENG DIAH TANGTING MAS
MAKA RABI NGELARANG PENGIWA
RARIS KEPARABIN WALU NATA
DWANING KATINGGAL RABIN IDA
MALIH WALININ CRITA RING BANGSUL
INDIK IDA MPU KUTURAN
27DWANING BALI BANGET KINGKING
SANGKANING ULAH MAYA DENAWA
PUTRAN IDA DANU DEWI IKA
PANAJAKE TAN KICEN MATURAN
MAWINANNYA MPU KUTURAN
NGUPAHAYU, MANGDA LANDUH
MANGUCEHANG SANGA SEKTA
28.NE ASIA DADOSANGA TRI
TRI MURTI KEBAWOSANG
KASUNGKEMIN PANJAK SAMIAN
SAMUAN TIGA GENAH IDA
KANTOS MANGKIN KETAMYANG
KAYANGAN TIGA RARIS KEWANGUN
NYEMBAH LINGGAN HYANG WISESA
PUPUH GINADA AMAD
29 MALIH LANTURANG SAMETON IDA
MPU SEMERU RAWUH RING BALI
WARSA SANGA SANGA SANGA
MANUJU PURANAMA KAULU
RING BESAKIH IDA MASTANA
LANTUR MANGKIN
WARSA SIU MPU GANA
30. IDA MLINGGIH RING DASAR BUANA
UMAT HINDHU PATUT MAKTININ
DWANING IDA BTARA AKASA
KAHYANGAN JAGAT KASENGGUH
PATUT PISAN LESTARIANG
MAKA SAMI
PATUT NYEMBAH RING PURA DASAR.
31.KALA SOMA KLIWON KUNINGAN
MACEKAN AGUNG KEWASTANIN
DUK PUNIKA IDA WAU PRAPTA
BRAHMACARI IDA SAKING DUMUN
NGIRING MANGKI MALIH LANTURANG
NE KE BALI
MPU AGNI JAYA LEMPUYANG MADYA
32.WARA SIU ENEM RAUH IDA
WRASPATI UMANIS AMNEMONIN
WUKUNYANE YA GALUNGAN
MANGKIN SAMPUN MAPUTRA PEPITU
MAKA SAMI LANANG LANANG
SIKISIKI
BACAK PARAB PUTRAN IDA
RENG SRONCA / GURU TAN MANGGEH
33.MPU KETEK SANE PINIH DUUR
MPU KANANDA IKANG ARI
MPU WITA DHARMA KAPING TIGA
MPU WIRADNYANA NE PING CATUR
34. SIRA KAPING LIMA MPU RAGARUNTING
MPU PRATEKA NE KAPING SADA
MPU DANGKA MAKA PUTRA PINIH ALIT
KAPUA MANGELAR SWADHARMAN PANDITA
35.YA TA MANGLIMBAK KATEKENG MANGKE
SENTANAN IRA KWEH MARTING JAGAT
MAHA GOTRA PASEK SANAK SAPTA RESI
WUS KALOKTAH RING RAT, TAN HANA LEN
36. WARNANEN SIRA BRADAH ANENG LEMAH TULIS
TATAN PRAPTA RI BALI, APAN JENEK RI KEDIRI
MAKA PUROHITANIRA ERLANGGIA
HANA PUTRANIRA MANGRAN MPU BAHULA
37 SAKING NGKE HANA IKANG WONG BALI
MATANGYAN AYWA KITA SUMBUNG
TUNGGAL YUKTI PANADYANTA
APAN MAKAWITAN MARING SEMERU,
38. LAH RENGEN MANGKE KANG CARITA
LAMAKANE KITA SIDA MANGATUR SEMBAH
HANENG TRI KAHYANG TIGA WENANG SAMUA
MAKA PANURANTA RI BATARA LELANGIT
39. YEKI MAKA JALARANIA KITA MANEMBAH
RI KAHYANGAN TIGA MARING BUMI
APAN SIRA MANGARDI SARWA MAURIP
40 SAKING KUTURAN HANA RATNA MANGGALI
SAKING BRADAH MBAS SIRA MPU BAHULA
PATEMON BAHULA RATNA MENGGALI HANA SIKI
MPU CANDRA, TANTULAR JUGA SINANGGUH
Tidak ada komentar:
Posting Komentar