GEGURITAN WIDHI TATWA.
PUPUH SINOM.
DWANING WAU TITIANG NYURAT
HENING KAYUN MENASARIN
ANGGEN TITYANG NGELAR YADNYA
REH NING MABUAT GATI
MEDULURAN ANTUK GENDING
APANG SIDA SAMI WERUH
YANING SAMI SAHUNINGA
AJEG SASTRA LAN AGAMA
SAPUNIKU
ANGGEN TITYANG NGASTUNGKARA.
2.AKEH SIDA MEMAOSANG
INDIK IDA SANG HYANG WIDHI
NANGING DURUNG SIDA TATAS
WANTAH WAU MARING BIBIH
NAPI SUJATINE WIDHI ?
MANGKIN TITIANG JAGA MATUR
WIDHI "WI" LAN "ADHI"PUNIKA
WI MAWIT SAKING WIT
TEGES IPUN
POKOK, DASAR MUAH KEMULAN
3. YAN ADHINE KEBAWOSANG
UTAMA, DIBYA LUIH
SANG HYANG WIDHI KATEGESANG
KAMULAN LUIH UTAMI
MARAGAYAN HYANG LELUHUR
SARENG SAMIAN MAWIT IDA
NENTEN SIDA KAKELIDIN
APANG WERUH
IDA SANG NGARDI SAMIAN
PUPUH GINADA
4.SANGKAL TUSING DADI SOMBONG
DIGUMINE PATUH SAMI
ENYEN ANE MRASA TEGEHAN
ANAK BELOG JATI IPUN
TUSING NAWANG SASTRA GAMA
SAKING WIDHI
KAWIT IRAGA MAKEJANG
5. NANGING JERONING KAURIPAN
ELING SASTRA GAMA YUKTI
TATWA SUSILA UPACARA
BANTANG SAJERONING HIDUP
SUSILANE TO PAGEHANG
SINAH JATI
SIDA SALI NGEWANGIANG
6.SANG HYANG WIDHI MRAGA EMBANG
DUGAS ENU GUMI SEPI
KONDEN ADA APA APA
SANG HYANG NORA KAWUWUS
DISUVBANE NGELAR TAPA
RARIS MIJIL
SANG HYANG TAYA MAHOTAMA
PUPUH SEMARANDANA CILINYA
7.SANG HYANG TAYA MASEMADI
SANG HYANG TUNGGAL IDA MEDAL
HYANG TUNGGAL NGELAR YOGA
GURU MAHAREKA EMBAS
GURU MAHAREKA METAPA
SANG HYANG ACINTYA METU
ACINTYA NGARDININ SIWA
8. SANG HYANG SIWA MASEMADI
EMBAS ANGGAN IDANE RWA
ACETANA LAWAN CETANA
PURUSA MIWAH PREDNA
RARIS IDA MATUNGGALAN
DADI TIGA ANGGANE TUHU
SIWA SADA SIWA PARAMA SIWA
9 MALIH IDA HYANG SIWA MANGKIN
MASEMADI NGELAR YOGA
EMBAS IDA SANGA DEWATA
HYANG ISWARA MARING WETAN
RING GENEYAN MAHESORA
SANG BRAHMA MARING KIDUL
HYANG RUDRA NARITI STANA
PUPUH PANGKUR
10HYANG MAHADEWA HANENG KULON
SENJATA PASA WARNAN IDANE KUNING
HYANG SANGKARA KAJA KAUH
SANG YANG WISNU RING UTARA
KAJA KANGIN LUNGGUH IDA SANG HYANG SAMBU
RING MADYA HYANG SIWA
PRAMESTI GURU KEPARABIN
11.WAU WENTEN SANGA DEWATA
RARIS IDA MANITAH SAMI
KATITAH NGELAR YOGA TUHU
MANGDA SIDA MASWADHARMA
METU LANGIT, AKASA, SARWA TUKAD LAN BAYU
PRETIWI, SARWA ENTIKAN
MIWAH MAKASAMI SANE URIP
12.SESAMPUNE SAMI WENTEN
MANUSANE LAN BEBURON MALIH
SARWA MELETIK SANE TUMBUH
KANTOS EBEK SEKADI MANGKIN
PARAB IDA HYANG WIDHI NGANUTIN LUNGGUH
MIWAH SWADHARMA IDA
NGIRING BACAK MAKASAMI
PUPUH DEMUNG
13 YAN MARING SEMERUPUCAK IDA LUNGGUH
HYANG PASUPATI PUSPATAN IRA
ANENG LEMPUYANG PUCAK AGNIJAYA
RING TOHLANGKIR PUTRAN JAYA
RING BATUR PARWATA DEWI DANU
MARING PEJENG HYANG MANIK GALANG
MANIK TUMUWH RING BATUKARU
MANIK TUGU RING ANDAKASA
ULUN SAWAH SANG HYANG SRI KAWUWUS
(PACANG KELANTURANG )
Tidak ada komentar:
Posting Komentar