gEGURITAN SAMBODAWA LAN sI SUPHALA

                        MURDHA WAKIA.

OM  SWASTIASTU, OM AWIGNAMASTU,

SANGKANING SWECAN IDA SANG HYANG AJI SARASWATI SIDA RARIS TITIANG NGARDININ DAGING CARITA SANE MAMURDA ; PRABHU SAMBODAWA ‘ SANE MAKA KETUSAN SATWA SAKING UDYOGA PARWA SANE KACRITAYANG OLIH SAPTA RESI, MAKADI IDA BAGAWAN KANWA  MAJENG RING  SANG DURYODANA.

SANGKANING  KUKUH KAYUNE SOMBONG,TUR KUKUH NGELAANG MOMO ANGKARA, MAWINAN KATURIN PIWUNGU OLIH IDA BAGAWAN KANWA MANGDA SIDA  NDUH KAYUN SANG DURYODANA, TUR KAYUN NGEPAH JAGATE NGATURANG MALIH JAGAT IDA SANG PANDAWA RING INDRAPRASTA.

KADI SAPUNIKA DAGING CARITANE MANGDA SIDA WENTEN PIKNOHNIA SAJERONING KAURIPAN. DUMOGI SANGKANING CARITA PUNIKI SIDA RARIS  IDA DANE  MANGERET

INDRYA KEMOMOANE , TALER MANGDA NENTEN BANGET KUKUH RING PIKAYUNAN SANE  IWANG SISIP  PEMARGI

RUMASA TITIANG  TAMBETE TANSIPI YAN WENTEN  SANE TAN MANJING RING HREDAYA

AMPURAYANG PISAN.

SAKING KANG ANURAT

KIDALANG SADHAR.

(SANG KETUT DHARMAYASA BA)

            PUPUH  SINOM.

1. CARITAYANG RING ASTINA

 MAKA LUNGGUH IDA  SANG  NDRAPATI

DURYODANA  KEBAWOSANG

KAIRINGANG  TANDA MANTRI

PARA RESi MENAMPINGIN

WENTEN ATUR AJUNGE TUHU

NANGING NENTEN KARENGAYANG

APAN KUKUH KAYUN JATI

SOMBONG ,PENGKUNG

NENTEN PISAN SIDA  ARSA.

2.PARA RESI  MATUR SEMBAH

MAJENG RING SANG NARA PATI

LUGRA TITIANG  NANAK NATA

BAPA MANGKIN MANGELINGIN

SAMPUNANG  BANGET  BRANGTI

ELING ELINGANG RING KAYUN

DWANING RATU  MASEMETON

PATUT SIDA LULUT ASIH

MANGDA PANGGUH

RAHAYU KERTA RAHARJA

.

PUPUH GINANTI

3.AMPURAYANG TITIANG MATUR

WANTAH NGARDI RATU ELING

PRATIWIMBA ANGGEN DASAR

CARITANE DUKE NGUNI

DURUS RATU MIARSAYANG

ANGGEN DASAR,MAPAKELING

4.DUMUN WENTEN IDA SANG PRABHU

MAHA SAKTI TAN PETANDING

NENTEN WENTEN MENGASORANG

AWINANNYA  SOMBONG MENTIK

PARA RATU NGANDAP KASOR

ANTUK SAKTIN  SANG NDRAPATI

5.RARIS PRABHU NGANDIKA NYUNYUR

RING PASEBAN JRONING PURI

MENAKENANG SANG WISESA

MAJENG MARING PARA PATIH

DIJA MIRIB  PAMAN NEMUANG

PRABHU SAKTI, KADI MAMI

6.NENTEN PURUN NE MAATUR

DWANING  AJRIH  YANING  PATI

RARIS  WENTEN SANG BRAHMANA

MATUR MAJENG RING NDRAPATI

LUGRA RATU TITIANG NGATURANG

KOCAP WENTEN  BRAHMANA KALIH

PUPUH PANGKUR

7.KAGIAT IDA SANG NARENDRA

WAU MIRENG ATUR  IDA  HYANG RESI

DURUS PRANDA  GLIS UMATUR

DIJA MINAB GNAH BRAHMANA

NAPI KARYAN, IDA TUR DIJA DADOS AGUNG

DURUS RATU  NGANDIKAYANG

MANGDA SIDA, RURUH MANGKIN

8. SINGGIH RATU SANG NARENDRA

HYANG NARA, NARAYANA  PARABE MALIH

SARENG KALIH PADA INGKUP

MANGELARANG  SASTROTAMA

IDA YUKTI  SAMPUN MERAGA   PUTUS

RING  MEGADAHANA MAGNAH

IRIKA IDA NGELAR SEMADI

PUPUH GINADA AMAD

9.SAPUPUTE   SAPUNIKA

BANGET KRODA SANG NDRAPATI

GELIS NITAH  PARA WADWA

MANGDA LUNGA MANGUNGSI GUNUNG

GUNUNG MEGA DAHANA

NGERAUHIN

SANG BRAHMANA NE  UTAMA

PUPUH SEMARANDANA

10.SESAMPUNE  IDA  PRAPTI

KAIRINGANG  OLIH WADWA

PANGGUH RARIS SANG BRAHMANA

MAKA KALIH  KIRIS  PISAN

ANTUK  DINGIN  MIWAH PANES

NANGING IDA  NENTEN LINU

YADIASTUN  PANES BARA

11.KASAMBRAHMA SANG NDRAPATI

LUGRA RATU  SANG NARENDRA

DURUS RATU ,LEDANG PISAN

NAPI MINAB  PRAYOJANA

WEHIN TITIANG,MANGDA TATAS

SANG SAMBODAWA RARIS  MUWUS

DURUS  MANGKIN PRANDA MIRENGANG

     PUPUH  DURMA

12.SINGGIH RATU PRANDA SARENG RWA

MULA NANTANG SAKTIN SANG RESI

DWANING AKEH NE MAWOSANG

RATU KOCAP MAWISESA

TITIANG MANGKIN, MEMAGUTIN

KASAKTIAN PRANDA

MANGDA TITIANG YUKTI UNING

            PUPUH GINADA  EMAN EMAN

13.LUGRA RATU SANG  NARENDRA

DADOS SAPUNIKA NGAYUNIN

TITYANG WANTAH BRAHMANA

NENTEN PATUT NGIRING MEPAGUT

DWANING  NENTEN NGIMSA KARMA

NENTEN NGIRING,

AMPURAYANG RATU TITYANG

14. UDUH DEWA SANG  NATA

AKEH SATRIA SANE SAKTI

PATUT NIKA LAWAN DEWA

NGUJANG BAPA, ANGGON MUSUH

APA PELIH BAPANE  , DEWA?

BANGET BRANGTI

SANG PRABHU MAMIRENGANG

15 SAGET GLIS NGUNUS SANJATA

PARA WADWA NGREDEG SANG RESI

SARWA ASTRA KATIBAKANG

IDA PRANDHA NENTEN LINU

RARIS NGEPIK MUNCUK AMBENGAN

KEMANTRAIN

SAMI GESENG WADWAN IDA

PUPUH SINOM

16.SESAMPUNE ASAPUNIKA

RESI NARA , NARAYANA MALIH

NGAMEDALANG MANTROTAMA

SANG PRABHU  NUNAS SISIP

KATEGUL ANTUK AMBENGAN LANCIP

ELEK JENGAH IDA MANGUNTUL

LEDANG PISAN SANG BRAHMANA

UDUH CENING SANG NDRAPATI

DURUS BANGUN

EDA DEWA NGASORANG ANGGA

17.KAWON DEWA ULIAN SOMBONG

KESAKTIANE  TLAH MEGEDI

EDA DEWA NGELAR MOMO

PANG SING CAMPAH  RING GUMI

MELAH JANI DEWA MWALI

ELINGANG  MANADOS  AGUNG

APANG PAGEH NGELAR DHARMA

SINAH DEWA KANUGRAHIN

APANG ADUNG

PANJAK, WADWA  LAN SAMETON

PUPUH  PUCUNG

18,SAPUNIKU

CARITANE SAMPUN KATUR

ELINGANG RING MANAH

SAMPUNANG NGELARANG BRANGTI

MANGDA ADUNG

SARENG IDA SANG PENDAWA

19.TITIANG MATUR

SANGKANING BAKTI RING RATU

MOGI MAMIRENGANG

MANGDA NGRANJING JRONING HATI

SIDA MANUT

 SEKADI NE  KEACEPANG

20.PUTRAN KURU

BANGET IDA MRASA TERSINGGUNG

NENTEN MANGRENGAYANG

ATUR IDA PARA RESI

BEGBEG  PENGKUNG

PACANG NGELAR YUDA IKA.

PUPUH  GINANTI PENYINEB

AMONIKA SIDA KATUR

DAGING CRITA SANE LUIH

NANGING AMPURAYANG PISAN

YAN TAN MANUT JRONING ATI

LEDANGANG RATU LEDANGANG

SINEB ANTUK PARAMA SHANTI.

 

   WAKIA:

OM SUPHALAEM PATINIRA DE KSUMBUNGANIRA DE PADMANABA YANAMAH SWAHA.

YEKI CARITANIRA SANG SUPHALA

PUTRAN SANG NARENDRA  CEDI

BOBOTANIRA LINTANGAN DE SANGA WARSA

MATANGYAN SUMENDEHA HYUNIRA….MAPA KEMBAR EBAS WEKASAN ????

MUAH HANA CIRINIRA KALA MIJIL, DINULURAN GEREH TATIT  UDAN ADERES, JUGA LUNGAYANIRA  CATUR, PADANIRA  CATUR, JUGA MASOCA  TRI,KALANING EMBAS HANA SABDA AKASA, YAN MEWUNGU RI SANG NDRAPATI, YAN WEKASAN ANAKIRA SIDA PARIPURNA, KUNANGT SIAPEKI SIDA MAMURNAYANG  YA JUGA  AKA HAWANANIRA  MANGUNGSI  SURALAYA.

MANGKANA  MATNGYAN PEJAHIRA DE SIRA SANG PADMA NABA, APAN SIRA  MMAMURNAYANG  AWAKIRA.SANGKANING PAMINTAN  IBUNIRA RI KRESNA, LAMAKANE SIDA KINASIHAN JUGA TAN PIEJAH WEKASAN

MATNGYA KRESNA MAWARAH RI BIBINIRA, IBUNIRA SUPHALA, SADNYA  BIBI, APAN YEKI KAPUTUSAN BATARA, YAN MAHYUN SIRA  RAHAYU TAN PINEJAH DENGKU,LAH WARAHEN LAMAKANE  SUPHALA  TATAN NGANISTAAKENA  ULUN LINTANGAN  DE PING SATUS, KUNANG YA SIRA WANI MANGANISTAAKENA ULUN MAKA AWATARAN WIDHI RIKALA NGKANA PEJAH PUTRANTA   BIBI. MAPA CARITANIRA  LAH MANGKE RENGEN IKANG GEGURITAN  RI SOR.

PUPUH : RENG  SRONCA

1.HANA NATA MARENG CEDI

NEDENG MOBOT STRINIRA ASWE

PARA STRI AJRIH MANGANTOSAKEN

DENING UDAN, GREH, KILAT TAN MARI

2.SUARAN ASU  MANGULUN ULUN

CIHNANING KANG RARE AYAT MIJIL

KALANING MIJIL, KAGIAT IBUNIRA

APAN MATANGAN CATUR MAPADA CATUR

3.SOCANIRA TRI MANGAWE  GAOK

TAN HANA WANI MANGEMBAN  IKANG RARE

TAN ASWE HANA SABDA  RI BYOMANTARA

SWARANYA KADI GUNTUR PRALAYA

4.UDUH ANAKKU NARENDRA  CEDI

YEKI WEKASAN PUTRANTA PARIPURNA

YAN SIAPEKI SIDA MARIMURNAYANG

YA JUGA MAKA JALARANIA PRALAYA

5MANGKANA UWUS IKANG SABDAKASA

KARENGA  D PARA JANA KABEH

SANG NARENDRA MUAH STRINIRA

RIMRIM, TAN MASAUR KALANGKANA

6.KWEH PARA JANA MAHYUN MANONTON

ANGGANIRA RAJA PUTRAN CEDI RAJYA

SANG  SUPHALA INARAN AN KANG RARE

SAYAN ASWE SIRA SAYAN MAWEWEH YUSA.

PUPUH  GINADA  AMAD.

7 WARNANEN  SANG  BASUDEWA

WUS MAPUTRA   TIGANG  DIRI

BALADEWA,KRESNA, LAN SUBADRA

MAKA SAMI  TINUT  RING AJUNG

SAMPUN MIRENG , SANG  SUPHALA

MAKASAMI

MAPIKAYUN  ANGLAWADA

8.GLIS CARITA RING PURIAN

LEDANG PRABHU MANGAKSININ

BASUDEWA MWAH RABIN IDA

BALADEWA,KRESNA NUTUG

SAMI SENENG NGEMBAN IDA

SELEGENTI

SAKING YAYAH SANG BASUDEWA

9. DIAH DEWAKI SARENG NGEMBAN

ANAK ALIT, MENGANGOBIN

NANGING TILEH TANGAN PATPAT

BALADEWA,,NGAJUMNGAJUM

MISAN IDA  SANG SUPHALA

UDUH  ADI,

ENGGAL DEWA, NGEDENANG

10SANG KRESNA MANGKIN NIMBAL

MAKA SAMI, ICAL PREMANGKIN

TANGAN KALIH, COKORE RWA

PE NGAKSIAN,NENTEN TETELU

WANTAH  KALIH PARIPURNA

LEDANG SAMI

SANG SUPHALA NENTEN  CACAD.

PUPUH SEMARANDANA.

11.DUAGUNG  ISTRI  STATA  NANGIS.

SESAMPUNE  MANYINGAK PUTRA

COKOR TANGAN  PARIPURNA

DWANING ELING MARING  SABDA.

SANE KAPIRENG DUKE EMBAS

JANTEN KRESNA NGARDI LAMPUS

MAJENG  RING IDA SUPHALA.

12 SANG KRESNA KANDIKAIN

UDUH CENING PONAKAN BYANG

YANING DADI  BYANG NUNASANG

APANG TUSING IDEWA NYEDAYANG

ARIN DEWA SANG SUPHALA

DWANING  KETO MANUT  SABDA

AMPURA TITYANG BYANG AGUNG

PUNIKI WANTAH  TITAH

13.WENTEN  MANGKIN MARGI BECIK

MANGDA NENTEN TITIANG MEJAH

SAMPUNANG I ADI NGANISTAYANG

SIKIAN  TITIANG LINTANGAN PING SATA

YENING  IPUN PRASANGGA

SINAH  IADI SEDA MANUT TUDUH

SAPUNIKA ATUR SANG KRESNA

PUPUH  : RENG SWANDEWI

14.MAMWIT SANG BASUDEWA PAPARENGAN

WUS MAWALI HANENG DWARADWATI

YA PIRA KUNANG IKANG KALA, MUAH WARNAN

 YUDISTIRA NGELAR YADNYA.RI INDRAPRASTA

PUPUH  PAGKUR

15.AKWEH PARA RATU KAULEM

DEWA RESI , RESI AGUNG  SWARGA  MALIH

RESI AGASTYA, NE  PEMUCUK

WASISTA, BYASA,  MIWAH SUKRA

PARA  RATU MAKA  SAMI SAMPUN PADA RAUH

DRESTARASTA, SALYA,MAGADA

DURYODANA  KARNA  SENGKUNI.

16KREPA  DRONA  IWAH BHISMA

PARA RATU  SANE  MERAGA LUIH

DHARMASUNU  GELIS  MATUR

RING KAKYANGE BEGAWAN BHISMA

SINGGIH RATU TITIANG NGATURANG GALAH RING  SUHU

SAPUNAPI MANUT ADAT

CUTET RATU  ATURIN MAMI

17.RSI BHISMA  GELIS  NIMBAL

SUKSMA CENING  PRABU MAHOTAMI

JANI KAKYANG MAATUR  ATUR

SEBACAKAN  UNDUK YADNYANE   PUNIKA

KETO MASIH PARA  ULEMAN SANE  SUBA SIDA RAUH.

KENEH KAKYANG MANGWANGIANG

LINGGIH IDA  KRESA  MANGKIN

PUPUH  GINADA EMAN EMAN

18. SIGGIH RATU RSI UTAMA

PARA RATU  SANE  LUIH

LUGRA TITYANG MENGAKSAMA

DWANING KASUDI  DHARMA SUNU

NYANGGRA SAMI PARA ULEMAN

SANE  PRAPTI

KALA YADNYA  RAJA SUYA

19MAJENG RING SANG PRABHU KRESNA

BANGET MANGKIN LUNGSUR  MAMI

KEADEGANG TAMUI UTAMA

DWANING AKEH BANGET  MATULUNG

MENGARDININ  INDRAPRASTA

DURUS  MANGKIN

RATU MLINGGIH RING SINGASANA

PUPUH DURMA

20TAN ASWE KALA NAKULA  LAN SAHADEWA

NGEWANGSUH COKOR NDRAPATI

SAGET RAUH SANG SUPHALA

TUR KRODA RING SANG BHISMA

UDUH DEWA  RESI TENGIK

NGUDIANG NGWANGIANG

WONG NISTA   MABET SUCI

21.PASERANTAB PARARATUNE  MAKEJANG

SANG BIMA KAYUN NYAGJAGIN

DHARMAWANGSA MANOMBAHANG

MALIH IDA  BALADEWA

SAYAN  LIU MEBAOS MALIH

NGANISTAYANG KRESNA

PRABHU KRESNA GELIS  NYAWIS

22. UDUH DEWA  SANG SUPHALA MISAN TYANG

EDA  DEWA  LIUNAN    MUNYI

APA BUIN NGANISTAYANG

LEBIH KEN PING SATA PEJAH

ENTO AWINANNYA  INGENIN

PANG SING IDEWA

PEGAT ULIAN   CAKRA  NESAKTI

23.SANG SUPHALA SAYAN SOMBONG MANGUCAP

IH  KRESNA  MREKAK  PESAN CAI

AWAK LEKAD DI KANDANG

NGELAH PURI ULIAN MAKSA

JANI CAI MASEBNG SUCI

KAI BEBAS GOMONG

TUSING JA  KAI LAKAR  MATI

PUPUH  GINADA  BASUR

24.TAN ASWE  RARIS MEDAL

CAKRA SUDARSANA LUIH

SAGET NGUBER SANG SUPHALA

PALING IDA PATI KAPLUG

TANURUNGAN SAGET PEGAT

TIBA RING BUMI

SEDA  IDA  SANG SUPHALA

25. BENGONG PARA RATU SAMIAN

NENTEN PURUN  MANULUNGIN

DWANING SAMPUN KARMAN IDA

SEDA ANTUK   KENI  PASTU

PURUN NGANISTAYANG KRESNA

KADI MANGKIN

SEDA SANGKANING CAKRA.

26.DWANING MANUT DUKE LAWAS

SABDA AKASANE  RIIN

SIRA SANE MAMURAYANG

IDA SANE  NGARDI LAMPUS

YUKTI PISAN DAGING SABDA

MWASTU PASTI

SAMPUNANG PURUN AMPAH.

27. SAPUNIKA SEDAN SUPHALA

ANTUK PURUN RING YANG WIDHI

LIGGAN IDA MRAGA KRESNA

APAN IDA AWATARA TUHU

NGIRING MANGKIN  SAYAGA

MANGDA  NGIRING

SAPARIWARAH  HYANG WISESA.

PUPUH PUCUNG

28. PUPUT DUMUN

DAGING CRITA SANG MRAGA SUMBUNG

NENTENSANDANG TULAD

PANG TEN RAGA NEMU PATI

NGIRING SUNGSUNG

SEKANCAN MERAGA  DHARMA.

WAKIA:

WARANEN SIRA SANG NARENDRA  SAWALA

ASWE SIRA TAN HANA PUTRA,

LUMAMPAH TA SIRA HANENG PASRAMAN LUIH

RI LUNGGUH PARA TAPA SUI

MAMINTA SIH , LAMAKANE  SIDA  APUTRA

KUNANG SIRA BAGAWANWASISTA  MASABDA,:

UDUH NANAK MITA SIH  RI IKANG WIT MANGGA

AMET IKANG WHO, PAWEH AKEN RI STRINTA

BIELAH IKANG WHO POH, YA TA  MANADI RWA

YA  PINANGAN DE STRINIRA

TAN ASWE  MOBOT IRA,

MBAS  TA  RARE RWANG SIBAK, KADI WHO POH RINGUNI…..

SANGKANING AJERIH  AMANGGUH IKANG RARE,

BINUANG HANENG  ALAS

YA TA  INAMET DE RAKSASA.  SAPARO HANA  MARENG  KIWA, SAPARO HANE  KATEMU HANENG  TENGEN… CINAKUP AKEN IKANG AWAK RARE…. TAN ASWE SIDA MAUCAP

URIP PARIPURNA IKANG RARE.

MAYOGA TA SIRA WEKASAN

YA PIRA LAWASIRA  KAUPAPIRA DE RAKSASA

INATURAKEN MUAH  RI KADATUAN

YA TA  MANGKE MANADI  RATU  RI SEWALA RAJYA.

RIKABISEKA MANADI RAJA, SAWENANG WENANGSIRA MANGWASAKEN IKANG RAT

KWEH PANJAK IRA  PEJAH TANPA DOSA.

YA TA  CINARITAKEN DE SANG KRESA RI SANG PANDAWA.

UDUH YAYI PANDAWA YAN HANA RATU MANGKANA, YA TA MAKA CIRI IKAG RAT LETUH KAWUWUS, TAN WENANG YAYI MANGELARAKEN  YADNYA  RAJA SUYA

KUNANG WENANG PIEJAH RUMUHUN SANG JARASANDA. APN KATEKENG MANGKE TAN HANA SIDA MAMEJEH SIRA, MAPA MANGKANA

APAN SATUNGGIL TIBA AWAKNIA RI BUMI MUAH MAURIP….

MANGKANA PRABHU KRESA  MIDARTAAKENA SANG JARA SANDA RI PANCAPANDAWA.

MAPA YAN AKU KAKA, SAUR IRA  WERKODARA

YAYI BIMA SENA, TAN SIDA  KUNANG KITA LAWAN ARJUNA MUAH  WERKODARA WENANG AYUTI RUPA RUMUHUN  MANADI RESI, DATENG NGKANA, YAN TUHU SIRA JARASANDA  SEKAMA KAMA, LAMAKANE TATAN  MAMEJAHAKEN PARA JANA, TANGTANG SIRA MAYUDA  MATUNGGILAN,APAN KITA MAHYUN MAMEJAH SANG NARENDRA DUDU PARA JANA,

YA MANGKANA CUMPU AKU , KAKA

TAN ASWE  LUMAMPAH TA SIRA KATIGA MANGUNGSI  SEWALA RAJYA,SIAMBUT DE PRABU JARA SANDA, APAN MARUPA RESI.

PUPUH  RENG  SRONCA :

1. AKSAMAAKENA  ULUN MAHA RESI

MAPA KADI NADAK DATENGTA RI MAMI

WARAHAN RINGULUN MAPA PRAYOJANANTA.

AGLIS  KRESNA IDARTAAKENA

2. ULUN KAPETEGA  HANENG ALAS

KARENGA  HANA PURI SEWALA RAJYA

MATANGYAN ULUN DATENG  NGKE

LAH TULUNGEN  PAWEHAKEN BOGA

    3.YAN KITA MAHYU MAWEH BOGA RI MAMI

    TANGKIL TA RI MAMI  TENGAH RATRI

    APAN MAHYUN NAGELAR  YOGA

   JARA  SANDA  MANGIRINGAKEN.

  4.MANGEN  ANGEN SIRA  JARA SANDA

KADI TAN RESI JATI SIRA  KATIGA

DATENG JUGA SIRA RING TENGAH RATRI

MAWEHAKE KADI ARSANIRA

PUPUH SINOM.

5. AMPURARATU  RESI SAMIAN

TITIANG SUMANGSAYA  RING HATI

DWANING SOLEH PANGGIH TITIANG

ANGGAN RESI  KADI MANGKIN

SIRA TE SUJATINYA  YUKTI

DURUS DEWA  SAMI  MATUR

SAJA PESAN ATUR DEWA

TYANG  KRESNA  ANE  JATI

RWA PUNIKU

BIMA  SARENG SANG ARJUNA

6.DWANING LIU NE MAWOSANG

DEWA BANGET NGWASA NGWASI

SEKAYUN KAYUN NGISI JAGAT

LIU MATI PANJAKE  DINI

ASING BANI  PASTI MATI

JARA SANDA  RARIS  MATUR

NAPI KRANA DEWA URATIAN

NIKAAMBEK  TITYANGDRIKI

NGUDIANG  NGURUS

DWEN DEWA MANTEN  GAMBEL

7 KENE DEWA  JARASANDA

SAJA BUKA ATURE NGUNI

TUSING DADI  MAMBEK KETO

PATUT NGARDI  NGELEDANGIN

YANING KUKUH  NGEMARGININ

TYANG NYADIA PACANG MAPAGUT

MANYIHNAYANG KAWISESAN

JARA SANDA  BANGET NGIRING

INDIK  LUNGGUH

RING LAPANGAN   SANE  LINGGAH

PUPUH  PANGKUR

8 CARITAYANG  BENJANG SEMENG

PANJAK SAMI AKEH RAUH MANGDA UNING

YANING SEDA  BANGET  CUMPU

DWANING SANG PRABU SEKAMA KAMA

RARIS SAMPU MENGAWITIN MEPAGUT

SALING JAGUR SALING TENDANG

PADA KAWOT  MAKA   KALIH

9.MANGDA TAN ASWE IKANG YUDHA

SANG KRESNA MANGICENIN CIHNA BECIK

WERKODARA  ANGGUT ANGGUT

SAMPUN NGERTI CIHNA SANG KRESNA

BIMA SENA MAMURAK ANGGAN JARA SANDA IKU

RARIS GELIS  KAENTUNGANG

RAUH  MALIH, ATEP TUR MAURIP

PUPUH  SINOMLAWE

10. MALIH KRESNA  NGICENIN CIHNA

KEPURAK, ENTUNGANG SINGSAL MANGKIN

MANGDA NENTEN SIDA MAURIPA

JARA SANDA MAHA SAKTI

BIMA SENA  GELIS MANGIRING

KEPURAK JARASANDA IKU

KAENTUNGANG TENGEN KIWA

MANGDA NENTEN SIDA MEBALIK

PEJAH TUHU

MASURIAK PANJAKE SAMIAN

11SEAMPUNE  SEDA  IDA

OKAN IDA  BANGET AJERIH

INDIK  PURIN IDA LAN PANJAK

SANG KRESNA  MANUTURIN

IDEWA PATUT  MADEG MANGKIN

DWANING IWAG WANTA   I AJUNG

DEWA PATUT MABHISEKA

DADOS NDRAPATI  LUIH

BANGET  NUNGKUL

MANEMBAH TUR NYUKSMA

PUPUH PUCUNG

12. SAPUNIKU

CRITAN JARASANDA  IKU

KUKUHMAWISESA

NANGING TAN PAGEH MRETENI

TUR KEDAUT

KERAKSASAN, ANGKU PISAN