SAKUNTALA

OLIH: SANG KETUTDHARMAYASA BA.

PENYULUH AGAMA HINDHU KABUPATEN KLUNGKUNG, TLP RUMAH 036622877

HP.  087861196415

E MAIL ::dsangketut @yahoo .com

                  dsangketut @gmail com.

Blog spot : Kidalangsadhar menggugah.com

           

     MURDHA  W AKIA

Om Swastiastu, Om awignamastu,

Sangkaning waranugrahan Ida sang Hyang Wdhi wasa sida raris titang ngaturang rereian sane merupa ggurita  sane ketus  titiang saking carita  Maha Barata,

Maka unteng bantang manah  ttiang dumugi maduluran antuk gurit pnki sida raris titiang nuekang daging sastra lan agama miwah adat istiadat sane  mangge, duk riin sane dados anggen kadi mangkin manut panglokika.

Yan sampun sida ngndingang , nembangang , janten sayan gelis  jaga eling, sesampune   eling  sida raris kerasayang  mausupan jeroning hati, ngelimbak raris sajeroning laksana, jantn sampun  becik pacag metu.

Dwaning sastra Agama ten  dadps  antuk duweg, sakewanten  maduluran antuk laksana, sane kekantenang  jerning kauripan sadina dina.Sekadi  tembang ginadane  sane lumrah : Eda ngaden awak bisa , depang anake  ngadanin…..Dwaning ida dane  para krama desa  pakraman sane uning tur turiksa ri parisolah sane  kemargiag jeronig urip.Maduluran antuk ngincepng daging sastra  lan Agama  janten sida manincapang sreda bahkti ring Ida  betara sesuhunan Sang Hyang Widhi Wasa.Semalhne titiang wantah meraga Manusa jantn akeh kirang tur doh ring paripurna, ampurayang tur ta lali ngaturang suksmaning manah  antuk uratian ida dane sane ngewacen  Kitab cakepan puniki.

Om  shanti shanti shanti  OM.

KAKYANG DALANG SADHAR.

Email: dsangketut@yahoo.com

            dsangketut@gmail.com

GEGURITAN SERI MAHABARATA..

PUPUH  PENGAKSAMA.

S  I  N   O  M .

1.DHARMA  SUTA ARAN TITIANG

PANGANJALI, KATUR I RIIN

MAJENG MARING UMAT   SAMIAN

SANE ONENG  MAGITA SHANTI

TALER SENENG  TUTUR LUIH

NGIRING SARENG SARENG RURUH

BABLIGBAGANG JERONING SASTRA

MANGDA WENTEN MAPIKOLIH

JRONING HIDUP

AKEH PISAN GEGODANE.

2.YANING KAYUN SANE  SUMPEK

SASTRA LUIH  NGGEN MERSIHIN

JANTEN SINAH  PIKOBETE

ANTUK ELING, JRONING HATI

SIDA ANGGEN  MANYULUHIN

SINAH PANGGUH   NE RAHAYU

NANGING DURUNG PASTIKA PISAN

MANUT KARMA PALANE  NGUNI

KANTUN NGETUT

PIDADABE  RING KAURIPAN.

3,BANTANG AGAMA TO ELINGANG

PANCA SRADA  MENASARIN

TAT  TWAM ASI, LAKSANAYANG

MANGDA UGI SIDA NYUNGKEMIN

ANAK SEOS PATUH KEN PEDIDI

SANGKAL GAWE NE  RAHAYU

TETIMBANGE  TO LAJERANG

ANGGEN NIMBANG  BENEH  PELIH

PATUT  IKU

SEPAT SIKU  JAK MAKEJANG.

4. SUJATINNYA RING KUIPAN

WANTAH RASANE  UTAMI

MANUSANE  NE MAOSANG

WENTEN SUKA WENTEN SEDIH

NANGING YAN SAMPUN UNING

WANTAH TUNGGAL YA PUNIKU

SAPUNAPI NGERASAYANG

PUNIKA SUJATI SUKIL

MANGDA WERUH

SASTRA ANGGEN MANURIKSA.

PUPUH  GINADA.

5.WENTEN CRITA KATUTURAN

DUKE RIIN   MARING BUMI

NE MEPARAB SANG DUSWANTA

WIKAN  MALIH BANGET WIBUH

RIKALANING NGNTER JAGAT

SIRA UGI

NENTEN SIDA  MENGASORANG

6.SENENG PISAN IDA MEBOROS

LUNGA SARENG PANJK SAMI

RARIS IDA  MARING WANA

ASRI BECIK, NGARDI LULUT

SARWA SATO POLOS WIKAN

MANGLANGENIN

SARWA PUSPA NEDENG KEMBANG

7.SESAMPUNE  RING PESRAMAN

SATO SAMI MATUR BAKTI

KADI NYESEL RING HREDAYA

RUMASA MADEMANG DUMUN

GELIS IDA MACECINGAK

SUWUNG SEPI

MALINGGIH SAMBIL NYANTOSANG

PUPUH  GINANTI

8.NENTN SUWE SAGET RAWUH

ANAK ISTRI TAPA SUI

NGENAMPEKIN IDA SANG NATA

RARIS IDA MENAKENIN

UDUH DEWA TAPA WADON

NAPI NGAWINANG  DADOS SEPI ????

9.SANG TAPINE GELIS MATUR

SINGGIH RATU SANG NDRAPATI

DWANING IDA KANTUN LUNGA

NGEREREH SAANG,NAMPEK DRIKI

JANTOSANG DUMUN ABOSBOS

MALIH JEBOS GELIS PRAPTI

10.SIRA PARAB IDA SANG WIKU

SANE WENTEN MLINGGIH IRIKI

DURUS JERO MIDARTAYANG

MANGDA  GELAH TATAS UNING

TAPA SUI MATUR BANBAN

BAGWAN  KANWA, PARAB RESI

PUPUH PUCUNG

11. YENING MALU,

GELAH INGET  RING SANG WIKU

TAN MADWE SENTANA

SIRA RARIS JERO PUNIKI

GELIS ATUR

TITIANG WANTAH KEDARMA  PUTRA

12.GELIS RAWUH

BEGAWAN KANWA  ,UWUS

LUGRAYANG TITIANG

WAU SIDA  RAWUH NANGKIL

DURUS DUMUN,

SANE KATUR, RING NARENDRA

13.INGGIH WIKU

SAMPUN NUNI TITIANG NGLUNGSUR

WENTEN JAGA TUNASANG

RING IRATU  MRAGA RESI

MOGI  RATU

LEDANG PACANG MAMIDARTA

14. NANAK PRABHU

NAPI ARSAN  RATU SANG PRABHU

DURUS GLIS PICAYANG

MANGDA TITYANG GELIS UNING

MOGI WASTU

SIDA ANTUK MENGATURANG

PUPUH PANGKUR

15.DUKE RIIN  SEELING TITYANG

NENTEN NAHEN  RATU PRANDA MADWE RABI

MANGKIN WENTEN NAK ISTRI AYU

SIRA SANE  MANGEMBSANG ?

DURUS RATU PIDARTAYANG MANGDANE TUHU

RARIS BAGAWAN MENGATURANG

SAPUNIKI INDIKE  RIIN.

16.IDA BEGAWAN WASISTA

MANGELARANG YOGA  LAN  SEMADI

SAMPUN TASAK SEMADINE IKU

SAGET WENTEN ANAK WADON

MACINGCINGAN WASTRANE NGERDININ LULUT

TAN ASWE  MEDAL RARE WADON

SAKUNTALA  PARABE YUKTI

17 RARIS TITYANG KANIKAYANG

MANGDA NGUPAPIRA  ANAKE  ALIT

IDA   MALIH NUNGGILANG KAYUN

MAPIKAYUN MANYUNIATA

KANTOS MANGKIN  ANKE ALIT SAMPUN DUUR

SANG NARENDRA KEASMARAN

TANASWE   LULUT RING TAPINI.

PUPUH SEMARANDANA

18.PRABHU DUSWANTA MATE MU ARIS

SAKUNTALA  RARIS  MOBOT

SANG DUSWANTA GLIS PAMITAN

NANGING SAKUNTALA KATINGAL

MASEMAYA PACANG MENDAK

MANGDA  MACIHNA YUKTI  WIBUH

SAKUNTALA  MANGIRINGANG

19.KAPICAYANG ALI  ALI

MAKA CIHNA SAKING NARENDRA

SAMUN RAUH MARING PURIAN

LANGKUNG SUWE SAMPUN GALAHE

NENTEN TALER WENTEN PEMENDAK

BINGUNG OSAH, MANGANTOS PABHU

MATUR  RARIS  RING KANWA

20.SINGGIH RATU, MERAGA  RESI

LEDANG AKSI, BOBOTAN TITYANG

SANG   NARENDRA  DURUNG MENDAK?

KENI CENING, SABAR IDEWA

ANTOSANG DUMUN, WERTA IDA

MANUT BAPA, TAN DADI   BINGUNG

APA BUIN  SEDNG MOBOT

PUPUH  GINADA

21.KANTOS MEDAL PUTRAN IDA

TALER SANG PRABHU NENTEN PRAPTI

PUTRAN IDA  SAYAN  AGENG

SARWA DAMANA   KAWUWUS

WIKAN PISAN RING SASTROTAMA

TRESNA ASIH

MARING SATO, SAMI  SENENG

22.WIKAN IDA  SWARAN SATO

SAMI BURON LULUT ASIH

SAYAN DUWUR ENGET IDA

TUR METAKEN  RING HYANG IBU

AMPURAYANG TITIANG BYANG

DURUS NIKAIN

SIRA SUJATINYA  YAYAH ???

GINADA EMAN EMAN

23.EDA DEWA  MENAKENANG

AJIN DEWA, LUAS  JOH GATI

MASIH SUBA  NGAJAK BYANG

BENJANG PUNGKUR PASTI RAWUH

SARWA DAMANA TAN TERIMA

SAPUNIKI

JENGAH MANAH TITYANG BYANG

GINADA EMAN EMAN

24. ELEK TITYANG JAK I SATO

SADINA DINA, KATUTURIN

PIANAK SAMPI, MIWAH AYAM

DUWEG IPUN, STATA MATUR

NAPI WENTEN  AJUNG  DEWA???

SARWAPRANI

PASTI WENTEN  RUPAKANIA

25 NANGIS SUNGSUT SAKUNTALA

RARIS MUWUS  SATORASI

KEN I CENING OKAN BYANG

SUJATINNYA  APANG WERUH

AJIN DEWA SANG DUSWANTA

SANG NDRAPATI

KASUB MANGENTERANG JAGAT

PUPUH DURMA

26 YANING KENTEN  TITYANG PACANG  NGREREH  YAYAH

DURUS BENJANG JAGA MEARGI

NAPIKE BYANG  KAL SARENG

JE NGAH ERANG MANAH TITYANG

SEKADI MANGKIN

NENTEN WENTEN RASA URATI

GINADA  AMAD

27. TAN WARNAN SARWADAMANA

SAMPUN RAWUH MARNG PURI

SANG NARENDRA RARIS  NAKENANG

ENYEN ENE, BANI RAWUH

ANAK CERIK MREKAK PESAN

NYEN ADANE ?????

TUR  CAI  ULING DIJA ???

28.AMPURA RATU SANG NARENDRA

TITYANG TANGKIL NGREREH AJI

SARENG BYANG SAKUNTALA

DURUS AJI,  MAPIKAYUN

NIKI  SAMPUN BYANG TITYANG

RABIN AJI

RING PESRAMAN TLENGIN ALAS

29. IH WONG RARE  AGUNG DOSA

BANI BANI, NGAKUIN  AJI

UDUH PAMAN  GREDEG RARENE

KADONG BANI,ENGGALANG TUNDUNG

MALIH SAKUNTALA NARTAYANG

SANG NDRAPATI  !!!!

DADOS LASCARAYA, TAN MENGANGKEN ????

30. IH TE NYAI  SAKUNTALA

EDA DINI,  NGUSAK NGASIK

YANING  LAYAH BASANG IBA

KEPWAREGAN   CAI MANGELUNGSUR

MIRIB LAYAH BASANG IBANE

JEG KE PURI

NGARDI ANAK BASANG GEDEG

31.CAI PATUT DANDA  GELAH

NGANISTAYANG  KEAGUNGAN PURI

ENYAH  IBA….TUR   MEKAAD

PAMAN PATIH,ENGGALANG TUNDUNG

TUSING SEEM GELAH NGANTENANG

CICING BENGIL

NISTANING NISTA.

PUPUH GNADA DASAR

32.RATU DWAGUNG DURUS PADEMANG

MANGDA PUPUT TITYANG IRIKI

NIRDON TITYANG MENGTURANG

NENTENPISAN  RATU NGRUNGU

SESAMPUNE KAPOLIHANG

SANE RIIN

DUK IRATU LUNGA MEBOROS

33.RATU BETARA SESUHUNAN

DURUS AKSI, TITYANG MANGKIN

TAN KEANGKEN  RABIN TITYANG

DURUS  BANCUT, ATMAN NGULUN

NIRDON TITYANG MAURIPA

WENTEN SWAMI

NUNDUNG TITYANG SARENG OKA.

PUPUH GINANTI

34.KECAKCAK MALIH KATUNDUNG

KEBAYANG BAYANG, RAHE  MIJIL

SAMI BENGONG MENGANTENANG

SAKUNTALA RARIS  NUDING

RAJA NISTANING NISTA

TUSING NGELAH  TRESNA  ASIH

35. DUSWANTA  IBA SANG PRABHU

BENGBENG JANI  MATAN CAINE

ENYEN NGELAH BUNGKUNGE ENE????

TUAH CAI NGEMAANG  KAI

YANING  ENE TUSING KEANGKEN

NISTA BARA  DADI  PATI

36 UDUH AJI,  ELINGIN  IBU

TITYANG  JENGAH NGATONIN

KADI RASA TANPA NGRASA

DADI  AGUNG, NISTA GATI

SANG NARENDRA  KANTUN KRODA

WENTEN SWARA  SAKING LANGIT

37  UDUH NANAK DUSWANTA  PRABHU

 AGUNG DOSA  KURANG PATI

MANGENDAHANG  RABIN  DEWA

RARE ENTO KARDIN CENING

DUGAS  ENU MARING ALAS

LINGGIH IDA KANWA  NGUNI

PUPUH SINOM

38SESAMPUNE MIRENG SABDA

SAKING AKASA, RAUH YUKTI

LEMPOR IDA SANG NARENDRA

ANTUK IWANG KURANG PATI

MATBAT  RABI  PUTRA MALIH

NENTENELING MARING UNDUK

BANGET  IDA  MASELSELAN

NUNAS IWANG MARING RABI

TUR KAGELUT

PUTRAN IDA KESAYANGANG

39.UDUH CENING, SAYANG IDEWA

AMPURAYANG  BUKA AJI

APA MIRIN NGERANAYANG

DADI AJI  NGENSAP MATI

KETO SAKUNTALA ADI

 DADI BLI  SANGET  BINGUNG

AMPURAYANG, BELI DEWA

KANTOS ADI  TABIS MATI

BELI AGUNG

TITYANG SAMPUN NGAMPURAYANG.

PUPUH PUCUNG

40.NGAWIT DITU

SAKUNTALA DADI RATU

SARENG PUTRAN IDA

SANG PANGERAN KEWASTANIN

MANGKIN NGLANTUR

PRABHU SENTANU CARITAYANG.

OLIH: SANG KETUT DHARMAYASA BA.

PENYULUH AGAMA HINDHU

KANTOR KEMENTRIAN AGAMA

KABUPATEN KLUNGKUNG.

TLP. 036622877 HP 087861196415.

BLOG: KIDALANGSADHAR MENGGUGAH.BLOGSPOT.COM

WEBSITE: KIDALANGSADHAR.COM