wAKIA KALANING MECARU LAN nGENTEG LINGGIH

Om kswama swamam maha dewah sarwa prani hitankarahm mamocca sarwa papebyah palaya swa sada siwa

Yeki  dharmathula pantaraning Nabe lawan sira sisianira,

Hana brahmana  Siddhi Yoga ngaranira,

Haneng asrhama  atisaya, iniring de para sisianira.

Uduh  anakku, sisiangku, apan wus lawas  ulun matutur ri kita, mapa hana  tatan kaesp denta??

Sadnya  mpungku, hana patakwaning ulun ri kita,  mapa ta ya ngaran  ngenteg linggih ?

Mwah mapa parikramanira angelaraken?

Ahum  sisianku makabehan, lah rengen angke,

Bagya kadi Bapa mangrenga patakwanta,

Upacara, ngaran pidadab, juga wicara ngarania

Ngenteg mawit saking  enteg, ya ta ngaran ajeg, ngaran, juga ngaran kukuh, su dira.

Linggih  mateges stana, gnah. Juga, solah muah parilaksana.

Upacara ngenteg linggih , ngaran :maparidadab  mautsaha maparilaksana lamkane  stananira Para Hyang  ajeg  ring lungguhnira swang.

Sadnya  mpungku, hana karenga dengku,hana Bagia, hana Phala kerti, mapa ta ya?

Ahum  ahum, putranku, yeki tegesnia:

Bagia  ateges : kasubagian , kasntosan

Phala ngaran who , who ngaran piknoh , pikolih, mwah pahala,

Kerti  mateges,  yasa, mwah yadnya, juga kara sanyasa.

Bagia phala kerti, tegesnia, Satunggil pidadab mwah laksana lamakane sida angawetwaken pikolih.

Ngenteg Linggih mabagia phala kerti, tegesnia:

Maduluran dening pageh pikayun madasar dening laksana  rahayu, lamakane mapikolih ametwaken  kasantosan , mwah karaharjan, ri sajeroning kauripan, ri sekala  niskala.

Hana juga karya Mangun hayu, mapa piknohnia?

Sisiangku, yan mangkana, yeki piknoh ikang yadnya:Mangentikang, karahayuan, madasar dening kayu suci nirmala, asah asuh asih,salunglung, sabayantaka, juga lascarya ri hredaya.

Juga hana mangingkup. Ngaran manunggilaken sabda bayu lawan idep.lamakane sida stata tunggal sajroning kulawarga, yadiastun hala muwah hayu sida stata tunggil yan wus  angacepaken trikaya parisduha byakta mangguh rahayu,

Mapa  yan  Ngaremekan??Mpungku ??

Yan ngaremek mawit saking remek, ngaran rabuk,yeki upacara  angeseng saluiring wus ginawe  wenang ginesng ya ta maka remek mwah rabuk lamakane sida langgeng yasa kerti ginawe.

Suksmania,:lamakane saluir ginawe sida angawe kasubagian tu r sida  ajeg kapuponang wekasan.aka rabuknia  tan hana waneh tatwa tatwa sastra  agama.

Hana mwah makebat Daun ?

Yeki tegesnia :makebat ngaran  ngelimbak, daun ngaran don, mateges tetujon.ya ta karanania  sida sayan ngelimbak piknoh kang yadnya ri sajeroning kulawarga mwah ri desa pakraman.

Ngebek, mateges akeh, nged,  piknohnia lamakane sida  ngebek pikolihnia. Ri sajeroning kauripan.

Nyenuk, mateges nengokin, macecingak,

Mateges lamakane sida ngelimbak  knohnya,mangdane sida pikolihang olih  ida dane sajeroning kauripan mawinan wenten para   encang  batara makasami tedun majejenuk : hyang brahma, hyang wisnu , hyang siwa,hyang mahadewa, miwah hyang iswara.

Hana manusa sarwa petak busanannira ya ta tinakwan de sira brahmana sida karya: uduh manusa mabhusana sarwa petak, saking ndi paranta , apa prayojananta ?lah matur kita  samua apan ulun brahana sida karya , maka raja karya ngke.

Matur sira abhusana petak sareng panca kwehnia,: singgih brahmana sida karya, ulun  manusa mabuana sarwa petak   tan hana waneh para encang hyang iswara sira  alungguh mareng Pura Dalem, ya ta ngulun inutus lamakane  dateng majejenuk.apan kaenga  hana  karya agung haneng  Pulasari, amawa pala bungkah pala wija, muwah saluiring ginawe haneng yadnya.

Suksma para encang hyang iswara, lah manjing  ateher angamet lungguh , jenek haneng jeroan.

Uduh kita anusa abang, mabusana sarwa  abang, saking ndi paran ta  muah mapa prayojananta  dateng ngke ???

Singgih brahmana sida karya, ulun dateng saking daksina, inutus de sira hyang Brahma, haneng bale agung muwah Pura desa, lamakane sida majejenuk ri sira, mangapatiaken  kang karya sidaning don, ateher amawa ikang sarwa woh, sarwa pala bungkah, pala wija,lamakane sidaning don kang yadnya.

Suksma, ngulun brahmana sida karya sang amuput  marisudha yadnya,

Uduh manusa kuning sarwa bhusana kuning siapa yeki ? saking ndi paran ta? Mwah mapa prayojananta?

Singgih bramana sida kraya, ulun para encang

Batara Mahadewa saking pascima tinitah de sira amawa  pala wija pala bungkah, apan karenga ahana karya ngke.

Yan mangkana  umanjing  umanjing maring jeroan.

Matngyan manyuksma sia Brahana sida karya.

Rimanusa kabeh, rauh riencanh hyang siwa mabhusana poleng.\lan encang hyang wisnu mabhusana ireng.

Sadnya mpungku hana karenga hana   Phala gembal mapa ta ya?

Waduh nanak ya ta tan hana waneh, sanyasan  ira Hyang Gana, maka lambang wicaksana.

Phala  ngaran who, pikolih

Gembal  mateges nged, makweh.

Suksmania :saluiring ginawe haneng mayapada, wenang dening kawicaksanan , dudu sangkaning  ambek pribadi.yan sampun wicaksana, ya ta sida anampi  rwa bhineda.

Wruh mapa ngaran sisip mwah mabener.

Mangkana yan  mareng kauripan.

Sadnya  Mpungku, mapa piknoh kang  Bebangkit,?

Waduh  nanak, bebangkit maka  sanyasan sira Hyang Siwa, maka angga hyang Kala, kala ngaran galah, juga kal ngaran   sarwa leteh,  mwah sahananing  angawe tan becik.

Piknohnia, ikang bebangkit   amentikang wiweka, sekancan pidadab  ala,ya manadi   becik. Mwah ahayu.lamakane sida  manincapaken   karahayuan.

Mwah  hana  banten Panyeneng :

Maka lambang  panguri urip

Bantn Guru :  maka pralambang  hyang Guru betara kawitan.

Banten  Suci maka pralamabang anyuciaken sarwa  prani, muwah sarwa  maurip.

Banten Pangambean:  mawit saking ambe, amb ngaran ngulap , juga  mangulapin, manguntab sang hyang widhi mwah pralambang ira dening

Angambe  maduluran  manah suci  maka dasar banten nia suci.

Banten Pras :  maka lambang pras ,  lamakane sida, maka  saluiring don.

Banten dapetan : maka lambang lamakane sida  mangguh  asing keaptiang, lamakane sida  dapet. manggih.

Banten Udel:  udel ngaran  puser, muang pusat  muah  unteng  utawi sari,

Pikenohnya sira  sang angelar karya, mangdane  sida angulengaken  kayun  maka sarining idep.

Mapa Parikramane angawe yadnya ngenteg Linggih ?

Ahum putranku yeki parikramaning ngelar karya:

1. matur piuning,
2. maguru  piduka,
3. mabhumi sudha,
4. myasa kerti
5. ngawit bebratan karya
6. nunas  tirta Pamuket
7. ngingsah nyuciang beras
8. nuwur tirta pakuluh.
9. melaspas

10. Melaspas mapedagingan,ngadegang ida betara,mlaspas Pangenteg, bagia Pulakerti,

11.melasti mapekelem,ring segara.

12.Mapapada Tawur.

13,Tawur balik sumpah

14,Pucak karya mamungkah

15Ngenteg Linggih

16Mapeselang

17Penganyar

18.Nyineb